ბერლინის საერთაშორისო კინოფესტივალი საზეიმო ვითარებაში დაიხურა და კინემატოგრაფიით დაინტერესებულ საზოგადოებას ერთი წლით დაემშვიდობა. "ოქროს დათვი" ჩინელი რეჟისორის ვან კან იანის ფილმს "ტუის ქორწილს" მიენიჭა. ფილმი მონღოლი ქალის ისტორიას მოგვითხრობს, რომელიც მას შემდეგ რაც ხეიბარი ხდება იძუილებულია მამაკაცისგან წავიდეს. "ეს არის საუკეთესო საჩუქარი ახალი წლისათვის, აღმოსავლური კალენდრის მიხედვით დღეს ჩინეთში ახალი წელი აღინიშნება" - განაცხადა დაჯილდოების ცერემონიალზე ფილმის რეჟისორმა. ქალის როლის საუკეთესო შესრულებისთვის მსახიობი ნინა ჰოსი დააჯილდოვეს, ფილმისათვის "იელა", ხოლო საუკეთესო მამაკაცი მსახიობის ტიტული არგენტინელმა ხულიო ჩავესმა მიიღო, რომელმაც რეჟისორ არიელ როტერსის ფილმში "სხვა", მთავარი როლი შეასრულა. რობერტ დე ნიროს მაღალბიუჯეტიანი ფილმი "ცრუ ცდუნება" კი საუკეთესო სამსახიობო დასისთვის "ვერცხლის დათვით" დაჯილდოვდა.
