ლოს–ანჯესელში ოსკარების 79–ე დაჯილდოვების ცერემონია დასრულდა. კინოს გულშემატკივართა დიდი ნაწილი გამარჯვებას "ბაბილონს" უწინასწარმეტყველებდა, თუმცა, წლის საუკეთესო ფილმად მარტინ სკორსეზეს "ორმაგი თამაში" დასახელდა. კინოში 40 წლიანი მოღვაწეობის შემდეგ სკორსეზე პირველად გახდა გამარჯვებული. აქამდე ის 5–ჯერ იყო ნომინირებული ოსკარზე. მამაკაცის საუკეთესო როლისთვის ოსკარი ფორესტ უაიტეკერს ხვდა წილად ("შოტლანდიის უკანასკნელი მეფე"), ხოლო ქალის როლი, ამერიკული კინოაკადემიის შეხედულებით, ჰელენ მირენმა ყველაზე კარგად განასახიერა ("დედოფალი"). ქალის მეორეხარისხოვანი როლისთვის ჯენიფერ ჰადსონი ("ოცნების გოგონები") დაჯილდოვდა, ხოლო მამაკაცის მეორეხარისხოვანი როლისთვის ოსკარი ალან არკინმა მიიღო ("პატარა მის მომხიბვლელობა"). ორიგინალური სცენარისთვის "მის მომხიბვლელობა", ადაპტირებული სცენარისთვის "ორმაგი თამაში", კოსტიუმებისთვის "მარია ანტუანეტა", ვიზუალური ეფექტებისთვის "კარიბის ზღვის მეკობრეები" დიჯილდოვდნენ. წლის საუეთესო ანიმაციად "მოკურცხლე" (Happy Feet) დასახელდა.
